जाजरकोट : जाजरकोटमा सलह प्रवेश गरेको छ । जिल्लाको नलगाड नगरपालिका -८ मा सलहले जंगल र बालीनाली पुरै ढाकेको छ । जिल्लाका सवै ठाउँमा फाटफुट रुपमा साता अघि नै सहल देखिएपनि खासै क्षति भएको थिएन ।
बिहीबार नलगाडमा भित्रिएको सलहको समूहले भने मकै र धानबालीमा क्षति पुर्याएको स्थानीय सरिता सिंहले बताइन् । 'जंगल पुरै ढाकेको छ । मकै बारी र धान खेतीमा पनि सहल प्रवेश गरेको छ । किसानहरु चिन्तित भएका छन्।' उनले भनिन्, ‘सलह भगाउन स्थानीयहरु बाजा बजाउने, आगो बालेर धुवाँ निकाल्ने, थाल ठटाउने गर्न थालेका छन् । त्यति गर्दा पनि भागेको छैन ।’
कृषि विकास कार्यालय जाजरकोटका प्रमुख गणेश अधिकारीले जिल्लाभर केही दिन देखि फाटफुट रुपमा देखिएको सलह बिहीबारदेखि नलगाडमा ठूलो समूह प्रवेश गरेको बताए । उनले बालीनालीमा क्षति हुन नदिन थाल ठटाउन र बाजा बजाउन आग्रह गरिएको बताए ।
प्रतिक्रिया दिनुहोस !
