जाजरकोट : सामान्य विवादमा झगडा हुँदा एक युवकले हानेका ढुंगाले लागेर जाजरकोटमा अर्का एक युवकको मृत्यु भएको छ। कुशे गाउँपालिका-२ टालेगाउँका २२ वर्षीय अर्जुन सिंहले प्रहार गरेको ढुंगाले लागेर २१ वर्षीय झलक सिंहको मृत्यु भएको प्रहरीले जनाएको छ।
जिल्ला प्रहरी कार्यालय जाजरकोटका प्रहरी निरीक्षक यमबहादुर मल्लका अनुसार दाजुभाइ नाता पर्ने उनीहरुको बिहीबार सामान्य विवाद झगडामा परिणत हुँदा अर्जुनले प्रहार गरेको ढुंगाले झलकको कन्चटमा लाग्दा उनी गम्भीर घाइते भएका थिए।
घाइते अर्जुनलाई उपचारका लागि जिल्ला अस्पताल ल्याउने क्रममा शुक्रबार उनको बाटोमै मृत्यु भएको हो। घटना लगत्तै अर्जुन फरार रहेको र उनको खोजी भइरहेको प्रहरी निरीक्षक मल्लले बताए।
प्रतिक्रिया दिनुहोस !
