जात्रा र मेलाले समुदायमा कोरोना संक्रमणको जोखिम बढ्यो
मंसिर १०, २०७७ बुधबार १९:५:०
बैतडी : समुदायमा कोरोना संक्रमणको जोखिम बढ्दै गएको छ । जात्रा मेलाको भीड बढिरहेका बेला एकैदिन १३ जनामा कोरोना पुष्टि भएकाले समुदायमा संक्रमणको जोखिम बढ्दै गएको स्वास्थ्य कार्यालय बैतडीका प्रमुख योगेशप्रसाद भट्टले जानकारी दिए ।
एकै वडाका चार जनासहित नेपाल प्रहरी र सशस्त्र प्रहरीका गरी बुधबार थप १३ जनामा कोरोना पुष्टि भएको स्वास्थ्य कार्यालयका कोभिड–१९ सम्पर्क व्यक्ति भुवनप्रसाद जोशीले जानकारी दिए ।
सशस्त्र प्रहरी बल नेपाल नम्बर ५१ गुल्म बैतडीमा कार्यरत ६ जना, जिल्ला प्रहरी कार्यालयमा कार्यरत २ जना, दशरथचन्द नगरपालिका–४ का ४ जना र पुर्चौंडी नगरपालिकाका–१ का एकजना गरी बुधबार थप १३ जनामा कोरोना पुष्टि भएको हो ।
बुधबार थप १३ जनामा कोरोना पुष्टि भएसँगै जिल्लामा संक्रमितको संख्या ५२१ पुगेको स्वास्थ्य कार्यालयले जनाएको छ । पछिल्लो समयमा जात्रा तथा मेलाका कारण भीडभाड बढेसंगै कोरोना संक्रमणको जोखिम बढ्दै गएको स्वास्थ्यकर्मीहरुले बताएका छन् ।
जिल्लाका विभिन्न शक्तिपीठ तथा मन्दिरमा लागेका मेलामा हजारौंको भीड लागेकाले कोरोनाको जोखिम बढ्दै गएको स्वास्थ्य कार्यालयका प्रमुख भट्टले बताए ।
प्रतिक्रिया दिनुहोस !
