सप्तरीको कोइलाडीमा वडा नम्बर ४ ले जित्यो क्रिकेट उपाधी

सप्तरीको कोइलाडीमा वडा नम्बर ४ ले जित्यो क्रिकेट उपाधी

राजविराज: सप्तरीको तिलाठी कोइलाडी गाउँपालिकाको वडा नम्बर ४ ले गजेन्द्रनारायण सिंह स्मृति टी–२० क्रिकेट प्रतियोगिताको उपाधी जितेको छ।

बुधबार भएको फाइनलमा साबिक विजेता वडा नम्बर ४ ले वडा नम्बर ३ सकरपुरालाई २१ रनले पराजित गरी दोस्रो वर्ष पनि उपाधी हात पारेको हो। फाइनलमा टस जितेर पहिलो ब्याटिङ रोजेको कोइलाडी–४ ले निर्धारित २० ओभरमा ५ विकेट गुमाएर १ सय २५ रन जोडेको थियो। कप्तान मोहम्मद गुड्डुले २९, परमेश्वर मण्डलले २८, रोबिन सिंहले १५, रोहित सिंहले १४ र रोशन मण्डलले अविजित ११ रनको योगदान दिए।

सकरपुराका लागि साकेत सिंहले ४ ओभरमा १९ रन खर्चेर ३ विकेट लिए भने प्रदीप मण्डल र सुरज मण्डलले समान १/१ विकेट लिए।

जितको लागि १ सय २६ रन पछ्याएको सकरपुराले २० ओभरमा ५ विकेटको क्षतिमा १ सय ४ रन मात्र बनाउन सक्यो। सकरपुराका लागि साकेत सिंहले २ छक्का र २ चौकासहित अविजित ३५ रन बनाए। अमित मण्डलले २८ र सुरज मण्डलले २३ रनको योगदान दिए।

वडा नम्बर ४ का लागि रोशन मण्डलले २, जुगनु मण्डल र रोहित सिंहले तिनै जनाले १/१ विकेट लिएर जित दिलाए। फाइनलको म्यान अफ द म्याच वडा नम्बर ४ का रोशन मण्डल भए।

प्रतियोगितामा वडा नम्बर ५ बर्साइनका दीपेश सरदार म्यान अफ द सिरिज, सकरपुराका अमित मण्डल बेस्ट ब्याट्सम्यान, वडा नम्बर ४ का जुगनु मण्डल बेस्ट बलर तथा वडा नम्बर ५ बर्साइनका राजेश रजक इमर्जिङ प्लेयर भएको तिलाठी कोइलाडी गाउँपालिकाका कार्यक्रम अधिकृत तथा प्रतियोगिता संयोजक राजेशकुमार झाले जानकारी दिए।

विजेता र उपविजेता खेलाडीलाई गाउँपालिकाका अध्यक्ष सतिशकुमार सिंह, उपाध्यक्ष सुचिताकुमारी यादव, वडा अध्यक्ष मनोज चौधरी, गोपी मण्डल, राजेन्द्र साह र गुलाब सिंहलगायतले ट्रफी तथा प्रमाणपत्र प्रदान गरे।


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.