कालिकोट : जिल्लाको तिलागुफा नगरपालिका वडा नं. २ रताडाका अग्नि पीडितलाई राहत वितरण गरिएको छ। जिल्ला विपद् व्यवस्थापन समितिको अगुवाइमा विभिन्न संघ संस्थाहरुले रताडाका अग्नि पीडित ६ परिवारलाई राहत वितरण गरिएको हो।
उनका अनुसार आगलागीबाट समस्यामा परेका ६ दलित परिवारहरुलाई विभिन्न निकायबाट आवश्यक समाग्रीहरु सहयोग गरिएको छ।
तिलागुफा नगरपालिका प्रमूख रतनबहादुर शाही, जिल्ला प्रहरी प्रमूख डिएसपी चक्रबहादुर शाहा, सशस्त्र प्रहरी गुल्म कालिकोटका प्रमूख डिएसपी रामबाबु पाली बागटी लगायतका सरोकारवालाहरुको उपस्थितिमा तिलागुफा नगरपालिका सहित विभिन्न गैर सरकारी निकायहरुले दाल, चामल, नुन, तेल सहितका सामानहरु पनि वितरण गरिएको छ।
आगलागीले वर्षेनी क्षति
२०७५ साल पुस ८ गते जिल्लाको पलाँता गाँउपालिका वडा नं. १ खाडामा यही पुस ८ गते राती भएको आगलागीमा ३२ घरमात्र जलेका थिए। खाडामा भएको आगलागीमा ३२ घरहरु पूर्ण रुपमा जलेर नष्ट भए।
अन्य आश्रित परिवार समेत जोडेर ४२ परिवारहरु प्रभावित भएका थिए। लाखौंको धन माल क्षति भयो। यस्तै गत वर्षको चैतमा पनि जिल्लाको पचालझरना गाउँपालिका वडा नं. ३ स्थित खाद्रुमा घरमा आगलागी हुँदा ३५ बाख्रा जलेर नष्ट भएका थिए। स्थानीय लोकेन्द्र कठायतको घरमा आगलागी हुँदा गोठमा हुलेका ३५ वटा बाख्रा जलेर नष्ट भएका थिए।
आगलागीबाट ४ लाख बराबरको क्षति भएको थियो। जंगलबाट आएको आगो घरमा सल्किएर गोठमा हुलेका ३५ बाख्रा जलेका थिए। यो वर्ष पनि दुई पटक आगलागी भएको छ। गत पुसमा राचुलीको दलित बस्तीमा भएको आगलागीबाट १३ घर जलेका थिए। लाखौंको क्षति भयो। गत शुक्रबार रताडामा आगलागी हुँदा ६ परिवारको विचल्ली नै भएको छ।
प्रतिक्रिया दिनुहोस !
