काठमाडौं : नेपाल कम्युनिस्ट पार्टी (नेकपा) प्रवासी नेपाली एकता मंच, नेदरल्याण्ड्सको अध्यक्षतामा धनकुमार बोहरा चयन भएका छन् ।
नेकपा प्रवास समन्वय कमिटिका अध्यक्ष युवराज चौलागाईको अध्यक्षतामा सम्पन्न मञ्चको भर्चुअल भेलाले बोहराको अध्यक्षतामा १७ सदस्यीय राष्ट्रिय समिति पुर्नगठन एवं विस्तार गरेको हो ।
मञ्चको राष्ट्रिय समितिको सचिवमा थानेश्वर गौतम र सदस्यमा संघर्षशील केसी, श्याम सापकोटा, तारानाथ सापकोटा, प्रयागराज खनाल, नितु श्रेष्ठ, बलराम पोखरेल, कमल शाही,पूजा थापा, कर्ण रोक्का, कमल रसाइली,रविन्द्र केसी, नवराज राई, बिर्ख सुब्बा, वृन्दा थापा खड्का र कैलाश गिरी छन् ।
भेलाले प्रधानमन्त्री केपी ओलीले गरेको प्रतिनिधिसभा विघटनलाई असंवैधानिक, अलोकतान्त्रिक, निरंकुश र प्रतिगामी कदम ठहर गरेको अध्यक्ष बोहराले जानकारी दिए ।
प्रतिनिधिसभा विघटनविरुद्ध नेपालमा जारी आन्दोलनको समर्थनमा एक्यबद्धता जनाउँदै यो प्रतिगामी कदमको प्रवासबाट पनि कडा आलोचना, निन्दा र भर्तत्सना गर्ने निर्णय गरिएको पनि बोहराले बताए ।
प्रतिक्रिया दिनुहोस !
