उदयपुर: उदयपुरको बेलाका नगरपालिका २ शिवालय टोलमा शनिबार आगलागी हुँदा १६ लाख बराबरको क्षति भएको पीडित परिवारले बताएका छन् ।
स्थानीय चक्रबहादुर राईको घरको बिद्युतको तार सर्ट भइ आगलागी हुँदा राई र छिमेकी तेजबहादुर नेपालीको गोठ जलेर नष्ट भएको हो ।
आगलागीबाट राईको काठ र जस्ताको छानो भएको २ तल्ले घर, लताकपडा, खाद्यन्न गरी १५ लाख र नेपालीको फुसको छानो भएको गोठ जल्दा १ लाख ५० हजार क्षति भएको जिल्ला प्रहरी कार्यालयका एसपी भीमबहादुर दाहालले बताए ।
आगो स्थानीयको सहयोगमा दमकल प्रयोग गरी इलाका प्रहरी कार्यालय बेलकाका र प्रहरी चौकी भागलपुरबाट गएको टोलीले दुई घण्टापछि नियन्त्रणमा आएको उनले बताए ।
प्रतिक्रिया दिनुहोस !
