स्याङजा: स्याङ्जामा मंगलबार थप ७३ जनामा कोरोना संक्रमण पुष्टि भएको छ।
चापाकोट नगरपालिका, पुतलीबजार नगरपालिका र अर्जुनचौपारी गाउँपालिकाका ७३ जनामा संक्रमण पुष्टि भएको गण्डकी प्रदेश कोरोना नियन्त्रण तथा रोकथाम निर्देशक डा विनोद विन्दु शर्माले जानकारी दिए।
निर्देशक शर्माका अनुसार चापाकोट नगरपालिकाका ४०, पुतलीबजारका २७ र अर्जुनचौपारीका ६ जनामा संक्रमण देखिएका हो।
चापाकोट नगरपालिकाको वडा नं २ मा ३ जना, वडा न ४ मा १८ जना, वडा न ६ मा १ जना, वडा न ८ मा २ जना र वडा नं १० मा १६ जनामा कोरोना संक्रमण पुष्टि भएको छ।
यसैगरी पुतलीबजार नगरपालिका वडा नं. ६ मा मात्रै २७ जनामा संक्रमण देखिएको हो। अर्जुनचौपारी गाउँपालिकाको वडा नं १ मा ३ जना, ३-३ जनामा कोरोना संक्रमण पुष्टि भएको हो ।
संक्रमितमध्ये ४१ जना महिला छन भने बाँकी ३२ जना पुरुष हुन्। संक्रमित हुनेमा ८८ वर्षीया महिलादेखि १२ वर्षीय बालकसम्म छन्। कन्ट्रायक ट्रेसिङबाट संक्रमित पहिचान भएको सम्बन्धित पालिकाले जनाएको छ।
प्रतिक्रिया दिनुहोस !
