मुम्बई : बलिउडका ‘हिरो नं. १’ भनेर चिनिने गोबिन्दालाई फिल्ममा नदेखेको धेरै समय भयो। तै पनि वार्षिक १६ करोडभन्दा बढी कमाउँछन् उनी।
राजनीतिबाट अलग भएपछि बलिउडमा उनी जम्न सकेनन्। त्यसैले अहिले विज्ञापन खेलेर तथा डान्स शोहरूमा गएरै भए पनि मज्जाले पैसा कमाइ रहेका छन्।
एउटा रिपोर्टका अनुसार गोबिन्दाको कुल सम्पत्ति १५१ करोड भारतीय रुपैयाँभन्दा बढी छ। उनको मुम्बई वरपर ३ वटा सानदार बंगला पनि छन्। महँगा–महँगा गाडीहरू पनि उनीसँग छन्।
गोबिन्दा अहिले परिवारका साथ जुहुको सानदार बंगलामा बस्छन्। बलिउडमा गोबिन्दा पछिल्लो पटक ‘रंगीला राजा’ र ‘आगया हिरो’ फिल्ममा देखिएका थिए।
सन् १९८० को दशकदेखि एक्सन र डान्सिङ हिरोका रूपमा करिअर सुरु गरेका उनले ९० को दशकमा कमेडी हिरोका रूपमा आफूलाई स्थापित गरेका थिए।
प्रतिक्रिया दिनुहोस !
