मुम्बई : कियारा आडवाणी बलिउडकी स्टाइलिस अभिनेत्रीमा गनिन्छिन् । उनी अहिले चलचित्र ‘शेर शाह’का कारण चर्चामा छिन् । यस चलचित्रमा उनको सुन्दरता र प्रेमी सिद्धार्थ मल्होत्रासँगको अनस्क्रिन केमेस्ट्रीका कारण पनि सबैको ध्यान तान्न सफल भएकी छन् । उनले पनि यो चलचित्रलाई निकै प्रतिक्षा गरिरहेकी छन् ।
कियारा पछिल्लो समय चलचित्रसँग सम्बन्धित विभिन्न सामग्री सामाजिक सञ्जालमा पनि सेयर गर्दै आइरहेकी छन् । उनले फिल्मका विभिन्न सामग्रीसँगै आफ्नो फेसनेवल तस्बिर पनि सामाजिक सञ्जालमा सेयर गरिरहेकी छन् ।
पछिल्लो समय उनले लगाएको दुई लाख १७ हजारको गाउनले चर्चा पनि निकै भइरहेको छ । यस सेतो रंगको पहिरनमा उनी निकै सुन्दर देखिएकी छन् । उनको सुन्दरता सामाजिक सञ्जालमा पनि चर्चाको विषय बनिरहेको भारतीय सञ्चार माध्यमले जनाएका छन् ।
प्रतिक्रिया दिनुहोस !
