जाजरकोट : जाजरकोटका एक जना भरुवा बन्दुक सहित पक्राउ परेका छन्। भेरी नगरपालिका ६ भेरे निवासी ५५ वर्षीय रगवीर घर्तीलाई अवैध भरुवा बन्दुक सहित प्रहरीले पक्राउ गरेको हो।
दर्ता नभएको अवैध एक नाले भरुवा बन्दुक बोकेर जंगलमा शिकार खेल्न हिंडेका घर्तीलाई सादा पोषाकमा खटिएका प्रहरीले पक्राउ गरेको जिल्ला प्रहरी प्रमुख डिएस्पी मधुकुमार थापाले बताए।
घर्तीलाई अदालतबाट म्याद थपाएर थप अनुसन्धानका लागि प्रहरी हिरासतमा राखिएको छ। उनलाई अवैध हातहतियार तथा खरखजाना सम्बन्धी मुद्धा चलाइने थापाले बताए। यस अघि पनि प्रहरीले जिल्लाका विभिन्न स्थानबाट ५ थान अवैध भरुवा बन्दुक बरामत गरेको थियो।
प्रतिक्रिया दिनुहोस !
