काठमाडौं : रामेछाप जिल्लाका दिनेशराज पुरीको शब्दमा रहेको गीत ‘चकलेटी स्याउ’ सार्वजनिक भएको छ। समिर आचार्य र स्वस्तिका ढकालको स्वरमा रहेको ‘चकलेटी स्याउ’ बोलको गीतको भिडियो सोमबार सार्वजनिक भएको हो।
गीतमा अर्जुन पोखरेलको संगीत र मोहित मुनालको संगित संयोजन रहेको छ। भिडियोमा सागर लम्साल ‘बले’,प्रिज्मा र प्रिन्सी खतिवडालगायतले अभिनय गरेका छन्। राजीभ समरको कोरियोग्राफी रहेको भिडियोको निर्माण/लगानी मनोज बस्नेतले गरेका हुन्।
पुरीले दर्शकको माया र साथले गीत लेखिरहने प्रेरणा मिलेको बताए। उनले भने, ‘दर्शक र स्रोताको मायाले नयाँ-नयाँ गीत सिर्जना गर्न उत्साह मिलेको छ।’
पुरीले यस अगाडि चलचित्र ‘म यस्तो गीत गाउँछु २’को ‘कसम कसम’ र ‘आँसुले बाटो बोल’, ‘धारै नखोली’ को गीतको शब्द संकलन गरेका थिए। आँसुले बाटो बोल’ गीतमा अञ्जु पन्तको स्वर र रमेशराज भट्टराईको संगीत रहेको छ। सुगम पोखरेलले स्वर दिएको ‘कसम कसम’ गीतमा अर्जुन पोखरेलको संगीत रहेको छ।
गायक रोशन अधिकारी र गायिका समीक्षा अधिकारीको स्वरमा समावेश ‘धारै नखोली’ बोलमा नायिकाद्वय पूजा शर्मा र आँचल शर्माको साथमा नायक आकाश श्रेष्ठ एकसाथ भिडियोमा देखिएका छन्।
भिडियो हेर्नुहोस्
प्रतिक्रिया दिनुहोस !
