पोखरा : कास्कीको पर्यटकीय गाउँ घान्द्रुक गइरहेको जीप मोदी खोलामा दुर्घटना हुँदा ८ जनाको घटनास्थलमै ज्यान गएको छ। मृतकहरुको सनाखत भने भइसकेको छैन । कास्कीका प्रमुख जिल्ला अधिकारी जयनारायण आचार्यले घटनाको पुष्टि गर्दै आफू त्यतै गइरहेको जानकारी दिए ।
दुर्घटनाबारे थाहा पाउनासाथ वरिपरिका प्रहरीहरलाई उद्धारमा पठाएको र घटनाको विस्तृत विवरण आइनसकेको आचार्यले जनाए । उनकै भनाइमा पोखराबाट बागलुङ पोखरा राजमार्गको नयाँपुलसम्म गएका यात्रु अर्को बोलेरो जीपमा घान्द्रुकका लागि गएका थिए ।
प्रतिक्रिया दिनुहोस !
