आँधीखोलामा ट्याक्टर दुर्घटना: चालकको मृत्यु, सहचालक घाइते
कात्तिक २९, २०७८ सोमबार १७:१४:०
स्याङ्जा : आँधीखोला गाउँपालिका- ५ मा सोमबार ट्याक्टर दुर्घटना हुँदा एकजनाको मृत्यु भएको छ भने एक घाइते भएका छन्। दुर्घटनामा परी ट्याक्टर चालक सन्तोष गुरुङको मृत्यु भएको प्रहरीले जनाएको छ। सहचालक रेशम गुरुङ घाइते भएका हुन्।
गाउँपालिकाको एकरायस्थित भित्रि सडकमा ग १ त ६४४० नम्बरको ट्याक्टर नालामा पल्टिएको प्रहरीले जनाएको छ। दुर्घटनामा परि ट्याक्टर चालक भानु नगरपालिका ५ तनहुँका ३८ वर्षीय सन्तोष गुरुङको घटनास्थलमै मृत्यु भएको प्रहरी नायब उपरीक्षक राजेन्द्रप्रसाद अधिकारीले जानकारी दिए।
घाइते सहचालक तनहुँ कै ३४ वर्षीय रेशम गुरुङलाई थप उपचारका लागि पोखरा रिफर गरिएको छ।
प्रतिक्रिया दिनुहोस !
