चण्डिगढ: बलिउड अभिनेता राजकुमार राव वैवाहिक बन्धनमा बाँधिएका छन्। उनले सोमबार पत्रलेखासँग विवाह गरेका हुन्। यी जोडी विगत ११ वर्षदेखि प्रेममा रहेको बताइएको छ।
चण्डिगढमा आयोजित वैवाहिक समारोहमा हरियाणाका मुख्यमन्त्री मनोहरलाल र बलिउड सेलिब्रेटीहरुको पनि उपस्थिति रहेको थियो। विवाहपछि दुवैले समाजिक सञ्जालमा तस्बिर पोष्ट गरेका छन्।
अभिनेता रावले इन्स्टाग्राममा तस्बिर पोष्ट गर्दै लेखेका छन्- 'अन्ततः ११ वर्षको प्रेम, रोमान्स र रमाइलोपछि म मेरो 'सोलमेट'सँग विवाह बन्धनमा बाँधिए। तिम्रो पति हुन पाएँ, योभन्दा ठूलो खुसी अरु केही हुन सक्दैन।'
त्यस्तै पत्रलेखाले पनि यही अन्दाजमा तिम्रो श्रीमती हुनु पाउनु नै सबैभन्दा ठूलो खुसी भएको उल्लेख गरेकी छन्।
प्रतिक्रिया दिनुहोस !
