मुम्बई: बलिउड अभिनेत्री कट्रिना कैफ र अभिनेता विक्की कौशलको विवाहको चर्चाले यतिबेला मुम्बई नगरीमा छाएको छ। उनीहरु छिट्टै नै विवाहको मिति सार्वजनिक गर्न लागेको भारतीय पत्रिका इन्डिया टुडेले खुलासा गरेका छन्। समाचारअनुसार यी जोडीले धुमधामका साथ विवाहको तयारी थालेका छन्।
स्रोतको हवाला दिइएको समाचारअनुसार उनीहरु राजस्थानको जोधपुरस्थित फोर्टमा विवाह आयोजना गर्दैछन्। त्यसको तयारीका लागि एक टोली जोधपुर पुगेको बताइएको छ।
विवाहका लागि कार बुकिङदेखि लिएर ड्रेज डिजाइन र मण्डपस्थल डिजाइनका कामहरु तीव्ररुपमा भइरहेको बताइएको छ।
यी जोडीले केही वर्षदेखि डेट गरिरहेको बताइन्छ। तर सार्वजनिकरुपमा दुवै यसबारे हालसम्म खुलेका छैनन्। उनीहरु आफ्ना फ्यानहरुलाई एकैपटक सरप्राइज दिन खाजोको बलिउड नगरीमा चर्चा छ।
प्रतिक्रिया दिनुहोस !
