पोखरा : नेपाल बार एसोसिएसनले देशभरका अदालतमा बहस बहिष्कार गरिरहँदा कास्की जिल्ला अदालतमा भने केही अधिवक्ताले मुद्दामा बहस गरेका छन् । बारले बन्दी प्रत्यक्षीकरणबाहेक मुद्दामा बहस बहिष्कारको देशव्यापी आह्वान गरेको थियो ।
कास्की अदालतले कतिपय मुद्दामा फैसला र आदेशसमेत दिएको छ। । अधिवक्ता विष्णुकुशल भुजेल, माधवी पाण्डेलगायतले आफ्ना पक्षका मुद्दामा आइतबार जिल्ला अदालतमा बहस गरेका थिए।
बार एसोसिएसन कास्कीले जिल्ला अदालतलाई पत्रसमेत लेखी कानुन व्यवसायीले बन्दी प्रत्यक्षीकरणबाहेकका मुद्दामा बहस नगर्ने जनाएको थियो । प्रधान न्यायाधीश चोलेन्द्रशमशेर राणाको राजीनामा माग गर्दै बार एसोसिएसन आन्दोलनमा छ । त्यही आन्दोलनका क्रममा आइतबार देशभरका अदालतमा बहिष्कार आह्वान भएको थियो।
प्रतिक्रिया दिनुहोस !
