जाजरकोट : जाजरकोटमा बस दुर्घटना हुँदा पाँच जनाको मृत्यु भएको छ भने २८ जना घाइते भएका छन्। प्रहरीका अनुसार नेपालगञ्जदेखि राडिबजार आउँदै गरेको ना ५ ख २७५७ नम्बरको रात्रीबस जाजरकोटको कुदु बराहचौ नजिक दुर्घटना भएको हो।
राति २ बजे भएको दुर्घटनामा मृत्यु हुनेमा नलगाड ३ करुवाका शेरबहादुर परियार, आठबिसकोट ४ की दिब्या शाही र सप्तरी राजविराज १ घर भएका र हाल दीपेन्द्र आधारभूत विद्यालय सक्ला जाजरकोटमा कार्यरत गंगाराम यादव रहेका छन्। अन्य दुई जनाको भने सनाखत हुन बाँकी रहेको प्रहरी नायब उपरीक्षक मधुकुमार थापाले जानकारी दिए।
घाइतेलाई उपचारका लागि जिल्ला अस्पताल ल्याइएको प्रहरीले जानकारी दिएको छ। घाइतेमध्ये तीन जनाको अवस्था गम्भीर छ।
स्यालले बाटो काटिरहेका बेला जोगाउन खोज्दा गाडी पल्टिएको चालक चित्रबहादुर देनारले बताएको प्रहरीले जानाएको छ। चालकलाई प्रहरीले नियन्त्रणमा लिएको छ । उनी घाइते छन्।
प्रतिक्रिया दिनुहोस !
