काठमाडौं: ह्वावेले नेपालमा पहिलोपटक ‘सीड्स फर द फ्युचर’ कार्यक्रम ल्याएको छ । स्नातक तहमा आईसीटी पढिरहेका विद्यार्थीहरूका लागि यो कार्यक्रम लक्षित छ । काठमाडौंमा एक कार्यक्रमका बिच यसको सुरुवात गरेको हो ।
यस्तै ‘टेक४गुड’ विश्वव्यापी प्रतिस्पर्धामा भाग लिने मौकासमेत पाउने छन् । जहाँ उनीहरूले सामाजिक र वातावरणीय समस्याहरू समाधान गर्न, प्रविधिको फाइदा उठाउन र २० हजार अमेरिकी डलरसम्मको पुरस्कार जित्न सक्नेछन् ।
त्यसपछि आईसीटी प्रोफेसरहरूको ‘फ्युचर सेलेक्सन कमिटी’ ले २० स्नातक विद्यार्थीहरू छनोट गरेको थियो । उद्घाटन कार्यक्रमका प्रमुख अतिथि शिक्षा राज्यमन्त्री बोधमाया कुमारी यादवले ग्रामीण तथा दुर्गम क्षेत्रका नेपालीको डिजिटल कनेक्टिभिटीमा पहुँच हुनुपर्नेमा जोड दिइन् ।
कार्यक्रममा ह्वावे एसिया प्यासिफिकका उपाध्यक्ष जे चेनले डीजीटल प्रतिभा विकासमा लगानी गर्ने कम्पनिको योजना बारेमा जानकारी दिए । चेनले ५ वर्षमा ह्वावेले एसिया प्रशान्त क्षेत्रमा मात्रै ५ लाख आइसीटी प्रतिभा विकास गर्न थप ५ करोड अमेरिकी डलर लगानी गर्ने प्रतिबद्धता व्यक्त गरे ।
ह्वावे नेपालका प्रमुख कार्यकारी अधिकृत विलियम झाङले नेपालमा ५ वर्षमा १० हजार आईसीटी प्रतिभा विकास गर्ने ह्वावेको प्रतिबद्धता दोहो¥याउने र ‘सीड्स फर द फ्युचर’को अर्को संस्करणमा थप महिला सहभागिताको अपेक्षा गरे ।
प्रतिक्रिया दिनुहोस !
