दैलेख : नेपाली कांग्रेसको केन्द्रीय सदस्यमा दैलेखकी सीताकुमारी रानाले उम्मेदवारी दर्ता गरेकी छिन्। काठमाडौंमा जारी कांग्रेसको १४ औं महाधिवेशनमा उनले केन्द्रीय सदस्य पदमा उम्मेदवारी दिएकी हुन्।
उनले आदिवासी जनजाति महिलातर्फ नेपाली कांग्रेसको केन्द्रीय सदस्य पदमा उमेद्वारी दिएकी हुन्। नेपाल महिला संघ दैलेखको अध्यक्षसमेत रहेकी रानाले महाधिवेशनमा सांगठनिक सुदृढीकरण, समावेशिताको सशक्तीकरण र राजनीतिमा सबैका लागि अवसर भन्ने नारा अघि सार्दै आदिवासी जनजाति महिलातर्फ नेपाली कांग्रेसको केन्द्रीय सदस्य पदमा उमेद्वारी दिएको बताइन्।
उनी दैलेखबाट अत्याधिक मतसहित महाधिवेशन प्रतिनिधि निर्वाचित भएकी थिइन्। उनी दैलेख निर्वाचन क्षेत्र नं. २ को क्षेत्रीय अधिवेशनबाट ४ सय ३ मतसहित केन्द्रीय महाधिवेशन प्रतिनिधि निर्वाचित भएकी थिइन्।
प्रतिक्रिया दिनुहोस !
