उदयपुर : उदयपुर प्रहरीले प्रतिवन्धित २४ किलो गाँजा बरामद गरेको छ । इलाका प्रहरी कार्यालय कटारीबाट खटीएको गस्तिटोलीले कटारी नगरपालिका ६ बैधनाथ खोला र तावा खोलाको दोभानमा वेवारिसे गाँजा नियन्त्रणमा लिएको हो ।
गाँजा कस्ले छोडेको र कहाँबाट ल्याएको हो भन्ने एकिन नभएकाले थप अनुसन्धान भइरहेको जिल्ला प्रहरी कार्यालय उदयपुरका प्रहरी नायव उपरीक्षक बेदप्रसाद गौतमले जानकारी दिए ।
उदयपुरको ताप्लि गाउँपालिका गाँजा उत्पादनको उर्वर क्षेत्र मानिन्छ । बर्सेनि त्यस क्षेत्रमा प्रहरीले महिना दिन लगाएर गाँजा फडाँनी गर्दै आएको छ । सुरक्षा स्रोतका अनुसार ताप्लि गाउँपालिका आसपासकै क्षेत्रबाट गाँजा बिक्रीका लागि भारततर्फ लैजानेक्रममा प्रहरीलाई देखेपछि फालेर फरार भएको हुनसक्छ ।
ओख्लेबाट कटारीको बैद्यनाथ खोला हुँदै सिरहा प्रवेश गरी भारतीय सीमा क्षेत्रमा गाँजा पुर्याउने गरिन्छ । यो रुटमा प्रहरीको उपस्थिति कम हुने गरेकाकारण व्यापारीले भारीमा बोकाएर गाँजा निकासी गर्दै आएका छन् ।
प्रतिक्रिया दिनुहोस !
