ढल्केवर(धनुषा) : धनुषामा बस र मोटरसाइकल एकआपसमा ठोक्किंदा एक युवकको मृत्यु भएको छ। बिहीबार पूर्वपश्चिम राजमार्ग अन्तर्गत मिथिला नगरपालिका–१० लालगढस्थित बस र मोटरसाइकल एकआपसमा ठोक्किंदा मोटरसाइकल चालक उदयपुरको कटारी नगरपालिका–७ का २७ वर्षीय विकास विश्वकर्माको घटनास्थलमै मृत्यु भएको हो।
पूर्वबाट पश्चिमतर्फ गइरहेको बा ६ प २५५९ नम्बरको बस र विपरित दिशाबाट आइरहेको बा ५९ प ६८८९ नम्बरको मोटरसाइकल एकापसमा ठोक्किंदा दुर्घटना भएको इलाका प्रहरी कार्यालय ढल्केवरका प्रहरी निरीक्षक प्रदिप सुवेदीले जानकारी दिए।
बस र बसचालक प्रहरी नियन्त्रणमा रहेको र मृतकको शव पोष्टमार्टमका लागि प्रादेशिक अस्पताल जनकपुरधाम पठाइएको प्रहरी निरीक्षक सुवेदीले जनाए।
प्रतिक्रिया दिनुहोस !
