उदयपुर : उदयपुरको चौदण्डीगढी नगरपालिका–५ सुन्दरपुरमा आइतबार टिपरसँगको ठक्करबाट मोटरसाइकल चालकको घटनास्थलमा नै मृत्यु भएको छ।
त्रियुगा नगरपालिका–१ का २५ वर्षीय गंगाराम चौधरी रहेका छन्। गाईघाट–फत्तेपुर सडकखण्डको सुन्दरपुरमा प्रदेश १–०२–००१ क ३८९६ नम्बरको टिपरलाई स.१०.प.८७९८ नम्बरको मोटर साइकलले ओभरटेक गर्ने क्रममा टिपरसँग ठोक्किदाँ उनको मृत्यु भएको हो।
दुर्घटनामा मोटरसाइकल पछाडि सवार चौधरीका श्रीमती २४ वर्षीया संगिता चौधरी घाइते भएको जिल्ला प्रहरी कार्यालयका डीएसपी बेदप्रसाद गौतमले जानकारी दिए। उनको फत्तेपुर अस्पतालमा उपचार भइरहेको छ। प्रहरीले टिपर र चालक सुनसरी हरीपुर गाउँपालिका–८ का सुनिल दाहाललाई नियन्त्रणमा लिई थप अनुसन्धानका लागि इलाका प्रहरी कार्यालय बेल्टारको हिरातमा राखेको उनले बताए।
प्रतिक्रिया दिनुहोस !
