उदयपुर : कृषि पेसा प्रति किसानलाई आकर्षित गर्न उदयपुरको ताप्लि गाउँपालिकाले पहिलोपटक बृहत कृषि प्रर्दशनी मेला आयोजना गरेको छ । छरिएर रहेका किसानलाई कृषि पेसामा गोलबन्द गर्न र जागरुक बनाउन साहास नेपालसँगको सहकार्यमा गाउँपालिकाले रुपाटारमा पालिका स्तरीय कृषि जैविक विविधता प्रर्दशनी आयोजना गरेको हो ।
मेलामा गाउँपालिका भरिका किसानले आफूले उत्पादन गरेका कृषि बाली तथा पशुपन्छी प्रर्दशनमा ल्याएका थिए । मेलामा कृषितर्फ ईन्द्रबहादुर शाही र पशुपन्क्षीतर्फ रामबहादुर हमाल उत्कृष्ट किसान घोषणा भएका छन् ।
यस्तै प्रर्दशनी तर्फ कृषीबाली अन्र्तगत कृष्णबहादुर तामाङ र पशुतर्फ भिमबहादुर तामाङ र कल्पना खड्का र पन्क्षीतर्फ हरीबहादुर ज्यु ठकुरी पुरस्कृत भएका छन् । उनीहरुलाई कृषिजन्य सामग्रीसहित ताप्ली गाउँपालिकाका प्रमुख उद्धवसिंह थापाले प्रमाणपत्र प्रदान गरे ।
कार्यक्रममा बोल्दै अध्यक्ष थापाले गाउँपालिकाले पहिलो पटक आयोजना गरेको कृषि मेलामा उल्लेख्य मात्रामा कृषकहरुको सहभागिता रहेको भन्दै कृषि क्षेत्रको प्रर्बधनका लागि गाउँपालिका सदैब लागि पर्ने बताए ।
उनले भने, ‘एक सिजनमा उत्पादन भनेर निरुत्साही नहुनुस, व्यवसायिकरुपमा लागि पर्नुस सफलता हात पर्ने नै छ, त्यसैले उत्पादनमा समस्या पालिकाले सहयोग गर्छ । किसानको बलबाट मुलुकमा आर्थिक क्रान्ति सम्भव रहेको बताउँदै अध्यक्ष थापाले किसानलाई कृषि पेसामा प्रोत्साहन गर्न स्थानीय सरकारले चाँडै योजना बनाएर अघि सर्ने बताए ।
उनले किसानलाई कृषीजन्य बस्तु तथा पशुपन्क्षी उत्पादनमा सदैव सहयोग गरेको स्मरण गर्दै बजार व्यबस्थापनका लागि समेत लागिपर्ने धारणा व्यक्त गरे । कार्यक्रममा सहयोगी संस्था साहास नेपालका लिफ्ट परियोजना अधिकृत देबेन्द्र लामालाई पालिका अध्यक्ष थापाले सम्मान गरेका थिए ।
प्रतिक्रिया दिनुहोस !
