उदयपुर : चिसो बढेसँगै उदयपुरको त्रियुगा नगरपालिका-३ मोतिगडाका विपन्न मुसहर परिवारलाई न्यानो कपडा वितरण गरिएको छ । दिनभर कामगर्दा पनि दुई छाकको गर्जो टार्न नसकेका २८ परिवारलाई प्रकृतिपे्रमी समाज उदयपुर र कपडा बैंक गाईघाटले कपडा उपलब्ध गराएका हुन् । बढ्दो सितलहरकाकारण मुसहर बस्तिका सर्वसाधरण कठ्याङ्ग्रीएर काम गर्न नसकेपछि ज्याकेट, सुईटर, जुत्ता लगायतका न्यानो कपडा वितरण गरिएको कपडा बैंकका सञ्चालक दिनेश श्रेष्ठले बताए ।
चिसोले उनीहरुको दैनिकीमा समेत असहजता पुगेको वडाध्यक्ष अवधेशप्रसाद चौधरीले वताए । उनले भने, ‘आर्थिकरुपमा कमजोर भएका जेष्ठ नागरिक चिसोकाकारण कठ्यांग्रीने, बिरामी हुनु थालेपछि सहयोगी संस्थाको खोजी गरी सहयोग गरेका हौ ।
चिसो बढेकाकारण मुसहर परिवार घरबाटबाहिर निस्कन नसकेको, जतिबेला पनि आगो तापेर बस्दा कतिपय अवस्थामा शरिरमा आगोसमेत सल्किने खतरा बढेकाले सुरक्षितसाथ राख्न सहयोग गरेको प्रकृतिप्रेमी समाजका सदस्य भुवन राउतले बताए । वडाभित्र मुसहरको संख्या निकै रहेकाले आर्थिकरुपले विपन्न ज्याला मजदुरी गरिबसेकालाई सहयोग गरिएको उनले बताए ।
प्रतिक्रिया दिनुहोस !
