हङकङ : चर्चित गायिका अस्मिता अधिकारीको स्वर रहेको गीत ‘फुरुरु’ सार्वजनिक भएको छ। गीतमा मविन्द्र राईको संगीत र रचना, सञ्जल भण्डारीको एरेन्ज रहेको छ।
हङकङको सुन्दर लोकेसनमा छायांकन गरिएको भिडियोको छायांकन, सम्पादन र निर्देशन मज्जाको राईले गरेका छन्। भिडियोमा मेरिना सुब्बाको ड्रेस डिजाइन र सुकु लिम्बूको कोरियोग्राफी रहेको छ।
आफ्नो करियर खोजिरहेकी युवतीको कथा र लुकेको प्रेमलाई भिडियोमा प्रस्तुत गरिएको छ। मोडलिङ र अभिनयलाई करियर बनाइरहेकी आयशा गुरुङ र सञ्जोक राईले भिडियोमा अभिनय गरेका छन्। भिडियो मज्जाको युट्युब च्यानलबाट रिलिज गरिएको छ।
प्रतिक्रिया दिनुहोस !
