परासी : डाक्टर सिके राउत नेतृत्वको जनमत पार्टीका कार्यकर्ताहरुले लगातार ५ दिनदेखि पश्चिम नवलपरासीको भैरहवा–भूमही सडकखण्ड बन्द गराउँदै आएका छन् । छोटो दूरीका पूर्वपश्चिम भएर चल्ने सवारीसाधनहरु सो सडक खण्ड हुँदै आवतजावत गर्ने गरेका छन् ।
परासी सदरमुकामको कसियास्थित प्रहरी बिट अगाडि बसेर उनीहरुले सडक बन्द गराउँदै आएका छन् । प्रहरीले बन्द स्थानदेखि आधा किलोमिटरको दूरीमा बसेर सवारीसाधनलाई रोकेर राखेको छ ।
१५/२० जनाको समूहमा रहेका जनमत पार्टीका कार्यकर्ताहरुले दैनिक बिहान १० बजेदेखि साँझ ५ बजेसम्म सडक बन्द गराउँदै आएका छन् । जसका कारण सो सडक खण्डमा चल्ने सवारीसाधन ८ घण्टासम्म सडकमै रोकिन बाध्य भएका छन् ।
प्रतिक्रिया दिनुहोस !
