स्याङ्जा : कालीगण्डकी गाउँपालिकाका-५का ६८ वर्षीय मोहनसिंह थापा गत ३ सातादेखि बेखबर छन्।
मंसिर २८ गतेदेखि बृद्ध बुवाको अवस्था अज्ञात भएपछि उनका छोरा थमबहादुर थापाले खोजीकार्यका लागि प्रहरी कार्यालय र सञ्चारमाध्यममासमेत सूचित गराए। तर पनि अझैं उनका बुवाको अवस्था अज्ञात नै रहेको छ।
बुढ्यौली शरिर, कान कम सुन्ने, बोल्दा रोकिएर बोल्ने, उच्च रक्तचापको औषधी खाने, एकसुरे स्वाभाव रहेकाले आफूहरुलाई झनै चिन्तित बनाएको छोरा थमबहादुरको भनाई छ।
एकसुरे स्वभाव रहेकोले गाडी चढेर अन्यत्र कतै गएको हुनसक्ने आशंका पनि उनको छ। क्रिम रंगको जकेट र कलेजी रंगको कम्बल घरमा नरहेकोले उनका साथमा हुन सक्ने पारिवारिक अनुमान छ।
गहुँगोरो वर्ण, उचाई ५ फिट र तौल अन्दाजी ४० किलोका मोहनसिंह थापा केही वर्ष अघिसम्म विद्यालयका कर्मचारी भएर काम गरेको पारिवारिक स्रोतले जनाएको छ।
खोजिकार्य जारी रहेको र हालसम्म कतैबाट पनि केही सूचना जानकारीमा नआएकोे प्रहरीले जनाएको उनका छोरा थापाको भनाई छ।
प्रतिक्रिया दिनुहोस !
