काठमाडौं : सर्जक सुनिल बिसीको 'डबल रोल' गीत सार्वजनिक भएको छ। सर्जक बिसीकै शब्द तथा संगीत रहेको गीतमा गायक शिव परियारको स्वर रहेको छ। बिहीबार सर्जक बिसीले आफ्नै युटुयुब च्यानल मार्फत सार्वजनिक गरेको गीतलाई बिक्रम चौहानले निर्देशन गरेका छन् भने गीतको म्युजिक भिडियोमा नम्रता सापकोटा, दिनेश खडायत र अभि लामाले अभिनय गरेका छन्।
प्रकाश खडकाको छायांकनमा रहेको म्युजिक भिडियोको गीतमा विशाल निरौलाले एरेन्ज गरेका छन। मारुनी स्टुडियोमा रेकर्डिङ्ग भएको गीतको म्युजिक भिडियो बि स्टार फिल्मसले बजारमा ल्याएको हो।
सर्जक बिसीका यसभन्दा अगाडी सिन्दुरको धर्को, रुवाने हजार, घोषणा जस्ता चर्चित गीत बजारमा सार्वजनिक भइसकेका छन्।
प्रतिक्रिया दिनुहोस !
