उदयपुर : उदयपुरको त्रियुगा नगरपालिका ११ गाईघाटमा पार्किङ गरी राखिएको एक व्यवसायीको स्कारपियो गाडी र एक मोटरसाइकलमा गए राती आगजनी भएको छ।
स्थानीय कालिदास राई (किसन राई)को निजी प्रदेश १–०२–००२.च.४३८५ नम्बरको स्कारपियो र स.३.प.२२८३ नम्बरको मोटरसाइकलमा आगजनी भएको हो। आगजनीबाट गाडी र मोटरसाइकल पूर्णरुपमा क्षति भएको जिल्ला प्रहरी कार्यालयका डिएसपी वेदप्रसाद गौतमले बताए।
घरको ग्यारेजमै पार्किङ गरी राखिएको अवस्थामा आगजनी भएको गौतमले बताए। आगलागी कुनै समुह हो वा विद्युतसर्टबाट हो एकिन हुन नसकेकाले अनुसन्धान भइरहेको उनले बताए। व्यक्तिगत रिसिवीले पनि हुन सक्ने आशंकाले कल डिटियल माग अनुसन्धान सूरु गरिएको उनले बताए।
राईका अनुसार राती करिव १:०० बजेको समयमा आगजनी भएको हो। आगजनी भएको करिव एक घण्टाको प्रयासमा प्रहरी, स्थानीय र नगरपालिकाको दमकलले आगो नियन्त्रण गरेको थियो।
प्रतिक्रिया दिनुहोस !
