काठमाडौं : लोक तथा दोहोरी गायक रामप्रसाद खनालको फरक शैलीको सेन्टिमेन्टल दोहोरी गीत ‘एउटा ढुकुर उडिगयो’ युट्युबमा रिलिज भएको छ।
खनालको आफ्नै शब्द र अभिनयमा आएको गीतमा सुनिता बुढाले उनलाई स्वरमा साथ दिएकी छन् भने अभिनयमा शोभा त्रिपाठीले सघाएकी छन्। निर्मल शर्माको निर्देशन रहेको म्युजिक भिडियोमा उनले अभिनय पनि गरेका छन्।
थानेश्वर गौतमको संगीत र कमल सरगमको संगीत संयोजन छ। राजु केसीको छायांकन रहेको उक्त भिडियो गौतम राज खड्काले सम्पादन गरेका छन्। ‘दोहोरी गीत लाने र ल्याउने मात्र हुँदैनन्, कथा र व्यथाका पनि बन्छन्। फरक शैलीका पनि बन्छन्, त्यही फरक शैलीको प्रयोग मैले यो गीतमा गरेको छु’, खनाल भन्छन्।
प्रतिक्रिया दिनुहोस !
