उदयपुर : जन्ती बोकेको ट्याक्टर दुर्घटना हुँदा उदयपुरमा बिहीबार एक जनाको ज्यान गएको छ। दुर्घटनामा अन्य १९ जना घाइते भएका छन्।
मदन भण्डारी स्मृति लोकमार्ग अन्तर्गत गाईघाट–नेपालटार खण्डको उदयपुरगढी गाउँपालिका ७ नागबेलिमा प्र.२.-०१-००१.त.१०९६ नम्बरको ट्याक्टर दुर्घटना हुँदा त्रियुगा नगरपालिका १४ का १९ वर्षीय मिलन मग्रातीको ज्यान गएको हो।
त्रियुगा नगरपालिका १६ रातापानीबाट नेपालटारतर्फ विवाहको जन्ती बोकेर जाँदै गरेको ट्याक्टर आफैँ अनियन्त्रित भइ दुर्घटना भएको जिल्ला प्रहरी कार्यालयका डिएसपी वेदप्रसाद गौतमले जानकारी दिए।
दुर्घटनामा घाइते भएका १९ जनाको जिल्ला अस्पताल गाईघाटमा उपचार भइरहेको उनले बताए। ट्याक्टर घटना स्थलमा नै रहेको र घटनाको बारेमा थप अनुसन्धान भइरहेको गौतमले बताए।
प्रतिक्रिया दिनुहोस !
