वीरगन्ज : मकवानपुरबाट जंगलको बाटो हुँदै पर्सामा ल्याउँदै गरेको लागु औषध गाजा सशस्त्र प्रहरीले बरामद गरेको छ। पर्साको ठोरी गाँउपालिका वडा नम्बर ५ ठूलो मागबोर्चाबाट सशस्त्र प्रहरीले ६४ केजी गाजा बरामद गरेको हो।
ठोरी ५ सुर्वणपुर स्थित सशस्त्र प्रहरी बोर्डर आउट पोष्टबाट सशस्त्र प्रहरी निरिक्षक ऋषिकेश रावतको नेतृत्वमा खटिएको टोलीले बुधबार राति ३ वटा पोकामा रहेको ६४ किलो ६८ ग्राम गाँजा बरामद गरेको हो।
मकवानपुरको पहाडी भेगबाट तस्करहरुले भरियालाई बोकाएर पर्सा राष्ट्रिय निकुञ्जको बाटो हुँदै ल्याइरहेको गाजा सशस्त्र प्रहरीले बरामद गरेको हो। सशस्त्र प्रहरीको टोलीलाई देख्ने बित्तिक्कै तस्कर र भरियाहरु गाजा फ्याकेर भागेकाले उनीहरुलाई भने पक्राउ गर्न नसकिएको शसस्त्र प्रहरीले जनाएको छ।
बरामद गाजा आवश्यक कार्वाहीका लागि बिहीबार जिल्ला प्रहरी कार्यालय पर्सामा पठाइएको सशस्त्र प्रहरी निरीक्षक ऋषिकेष रावतले जानकारी दिए।
प्रतिक्रिया दिनुहोस !
