वीरगन्ज : पर्साको सखुवा प्रसौनी गाउँपालिकामा महायज्ञका लागि निकालिएको कलश यात्रामा ट्याक्टरले किचिएर एक बालकको मृत्यु भएको छ। ट्याक्टरले किचिएर सखुवाप्रसौनी गाउँपालिका २ का धनिक यादवका छोरा अन्दाजी ७ वर्षीया रितेशप्रसाद यादवको मृत्यु भएको हो ।
सखुर्वा प्रसौनी गाउँपालिका २ गुलवरीया गाउँमा आयोजना गरिएको विष्णु महायज्ञको पहिलो दिन बुधबार कलशयात्रा निकालिएको थियो । कलशयात्रामा सहभागी भएका रितेश , प्रदेस प्रदेस–२–०३–००१ त ४०९४ नम्बरको ट्याक्टरमा सवार थिए । ट्याक्टरबाट खसेका उनको त्यहि ट्याक्टरले किचेर मृत्यु भएको इलाका प्रहरी कार्यलयका प्रहरी नयाब निरीक्षक नन्दकिशोर साहले जानकारी दिए । ट्याक्टर र त्यसका चालक सखुवाप्रसौनी ५ का प्रदिप प्रसाद यादवलाई प्रहरीले नियन्त्रणमा लिएको छ ।
घटनाबारे अनुसन्धान भइरहेको प्रनानि साहले जानकारी दिए ।
प्रतिक्रिया दिनुहोस !
