जाजरकोट : जाजरकोटमा काइनेटिक पत्थरसहित एक युवक पक्राउ परेका छन्। जुनीचाँदे गाँउपालिका-६ गर्खाकोट निवासी २२ वर्षिय सुरत सिंह काइनेटिक पत्थरसहित पक्राउ परेका हुन्।
छेडाचौर प्रहरी चेक प्वाइन्टमा सवारी साधन तथा यात्रुहरु चेकजाँच गर्ने क्रममा सिंहको साथबाट साढे नौ किलोग्राम काईनेटिक पत्थर बरामद भएको प्रहरीले जनाएको छ। बरामद गरिएको पत्थर र पक्राउ परेका सिंहलाई आवश्यक कारवाहीका लागि खानी तथा भूगर्भ विभाग अन्तर्गत भूकम्प मापन केन्द्र विरेन्द्रनगर सुर्खेत पठाईएको प्रहरी निरीक्षक पुस्कर पन्तले बताए।
प्रतिक्रिया दिनुहोस !
