कांग्रेसले टिकट नदिएका कुर्मी कांग्रेसलाई नै हराउँदै वडा अध्यक्ष
जेठ ३, २०७९ मंगलबार ८:५२:०
वीरगन्ज : वीरगन्ज महानगरपालिका वडा नम्बर १ को वडा अध्यक्षमा जसपाका मनोज राउत कुर्मी विजयी भएका छन्। मङगलबार बिहान सकिएको वडा नम्बर १ को मतगणनाको अन्तिम परिणाम अनुसार वडा अध्यक्षमा जसपाका कुर्मी विजय भएका हुन्।
कुर्मी ८५२ मतका साथ वडा अध्यक्षमा निर्वाचित भएका हुन्। उनका निकटतम प्रतिद्ववन्द्वी नेपाली कांग्रेसका ओमप्रसाद गुप्ताले ७३३ मत मात्रै प्राप्त गरे। वडा नम्बर १ मा कुल ३१०८ मत खसेको थियो।
यसअघि नेपाली कांग्रेसकै कार्यकर्ता रहेका कुर्मी , मनोनयनको अन्तिम समयमा कांग्रेसले टिकट नदिएपछि जसपामा प्रवेश गरी जसपाबाट उम्मेदवारी दिएका थिए। २०७४ को निर्वाचनमा उक्त वडामा नेपाली कांग्रेसका मनोज गुप्ता निर्वाचित भएका थिए।
वडा नम्बर १ को वडा अध्यक्षमा कुर्मी विजयी भएसँगै जसपाले महानगरमा दोश्रो जित हात पारेको छ। यसअघि सोमबार वीरगन्ज ३२ को वडा अध्यक्षमा जसपाकै रियाज मिया विजयी भएका थिए।
प्रतिक्रिया दिनुहोस !
