सप्तरीको अग्नीसाइरको अध्यक्षमा एमालेका दिनानाथ चौधरी विजयी
जेठ ३, २०७९ मंगलबार १४:२७:०
राजविराज : सप्तरीमा अग्नीसाइर कृष्णसवरण गाउँपालिका अध्यक्षमा नेकपा (एमाले) ले खाता खोल्दै ४९ वर्षीय दिनानाथ चौधरी विजयी भएका छन् ।
कुल १२ हजार ४२५ खसेको मतमा चौधरीले ४ हजार ८७४ मत ल्याएका हुन्।
उनले निवर्तमान गाउँपालिका अध्यक्ष परशुराम चौधरीलाई पराजित गर्दै विजय हाँसिल गरेका हुन् ।
परशुरामले ३ हजार ८८८ मत ल्याए । कांग्रेसका परशुराम चौधरी २०७४ को स्थानीय तहको निर्वाचनमा ३ हजार ३९५ मत ल्याई अध्यक्षमा निर्वाचित भएका थिए ।
अग्नीसाइर कृष्णसवरण गाउँपालिकाको उपाध्यक्षमा भने कांग्रेसकी कल्पनाकुमारी चौधरीले जित हाँसिल गरेकी छिन् । कल्पनाले ४ हजार २१६ मत ल्याएर एमालेकी शैलेन्द्रीकुमारी लेखी थरुनीलाई पराजित गरेकी हुन् । एमालेकी थरुनीले ३ हजार ४५९ मत ल्याइन् ।
गाउँपालिका अध्यक्षसहित एमालेबाट वडा नम्बर १ मा सवजुल खलीफा र ५ मा सबदुल मियाँ वडा अध्यक्षमा निर्वाचित भएका छन् । कांग्रेसबाट वडा नम्बर ३ मा गोपालप्रसाद चौधरी थारु, ४ मा तेजनारायण यादव र ६ मा अशोककुमार आचार्य वडा अध्यक्षमा निर्वाचित भएका छन् । वडा नम्बर २ मा भने नेकपा (माओवादी केन्द्र)का पशुपतिप्रसाद चौधरी वडा अध्यक्षमा निर्वाचित भएका छन् ।
प्रतिक्रिया दिनुहोस !
