वीरगन्ज : बाराको सिम्रौनगढ नगरपालिकाको मेयर र उपमेयर दुवै पदमा लोकतान्त्रिक समाजवादी पार्टी(लोसपा) ले जितेको छ।
यसअघिको निर्वाचनमा दुवै पद जितेको सिम्रौनगढमा नेपाली कांग्रेसको विरासत ढाल्दै लोसपाले जित हात पारेको हो। मेयरमा लोसपाका किशोरीप्रसाद कलवार र उपमेयरमा पनि लोसपाकै नजमु शेहर विजयी भएका हुन्।
मेयरमा निर्वाचित कलवारले १११३७ मत ल्याउँदा निवर्तमान मेयर एवं कांग्रेसका उम्मेदवार विजयशंकर यादवले भने ९३११ मत मात्रै पाए।
उपमेयरमा लोसपाकी शेहरले ९५७३ मत ल्याउँदा कांग्रेसकी रिता कुमारी देवीले भने ८०५० मत पाइन्।
प्रतिक्रिया दिनुहोस !
