समग्र विकासको लागि मिडियाको भूमिका आवश्यक : नगरप्रमुख महतो
महोत्तरी : गौशाला नगरपालिकाको समग्र विकासका लागि मिडियाको भूमिका आवश्यक रहेको नगरप्रमुख डा. दिपेन्द्र महतोले बताएका छन्। शनिबार रुपान्तरण मिडिया प्रालि गौशालाले आयोजना गरेको सम्मान कार्यक्रमलाई सम्बोधन गर्दै नगरप्रमुख महतोले सो धारणा राखेका हुन्।
विकासको क्रममा यहाँको संचारको विकास समयअनुसार भईरहेकोले गौशालाको विकासको लागि मिडियाको भूमिका अहम रहने महतोले बताए। उनले भने, ‘समग्र विकासको साथै यहाँको मिडियाको पनि विकास हुनेछ। मैले मिडियासँग सल्लाह र सहयोग अनुसार नै नगरविकासको निम्ति कदम उठाउनेछु।’ यस्तै अर्को प्रसंगमा नगरप्रमुख महतोले नगरपालिका कार्यपालिकाको निर्णयअनुसार नै अगामी रणनीति तय हुनेछ।
उनले नगरविकासको निम्ति आफूले कदापी एकल निर्णय नलिने उदघोष गरेका हुन्। कार्यक्रमकाबीच नगरउपप्रमुख रेणु महतोले समग्र विकास गरेर गौशालालाई विकासको पथमा अगाडि बढाईने बताईन्।