तारा एयरको जहाज दुर्घटना : १६ जनाको शव भेटियो, पानी परेपछि खोजी कार्य स्थगित
जेठ १६, २०७९ सोमबार १४:१६:०
जोमसोम : तारा एयरको दुर्घटनाग्रस्त जहाजका यात्रुमध्ये थप २ जनाको शव फेला परेको छ । योसँगै १६ जनाको शव भेटिएको सशस्त्र प्रहरी नायव उपरिक्षक मोहनजंग कार्कीले जानकारी दिए ।
पानापाथी हिमालको क्षेत्रमा वर्षा भइरहेकाले दिउँसो १:४५ बजेबाट शव खोजी गर्ने कार्य स्थगित भएको सशस्त्र प्रहरी नायव उपरीक्षक कार्कीले उल्लेख गरे ।
शव खोजी गर्ने तथा संकलन गर्ने काम स्थगित गरेको र वर्षा रोकिएपछि पुनः शव खोजी गर्ने कार्यलाई निरन्तता दिने प्रहरी नायव उपरीक्षक रामकुमार दानीले जानकारी दिए ।
आइतबार बिहान पोखराबाट जोमसोमका लागि उडेको जहाज बिहान १०: १० मिनेटमा सम्पर्कविहीन भएको थियो ।जहाज थासाङको मानापाथी हिमालस्थित नामसारे पहाडमा ठोक्किएर दुर्घटना भएको थियो । जहाजमा यात्रा गरेका यात्रुको शव एकै ठाउँमा जम्मा गरिएको छ ।
६ जनाको शव खोज्न बाँकी रहेको छ ।
प्रतिक्रिया दिनुहोस !
