बैतडी : सुदूर पहाडका तीन जिल्ला जोड्ने दशरथचन्द राजमार्ग अवरुद्ध भएको छ। बैतडीको पाटन नगरपालिका-८ स्थित आरुबाटा नजिक सडक माथिबाट खसेको पहिरोले राजमार्ग अवरुद्ध बनेको हो।
आइतबार दिउँसो ३ बजेतिर पहिरो खसेपछि सडक अवरुद्ध बनेको खोड्पे प्रहरी चौकीका इन्चार्ज ऐन बहादुर पालले बताए। राजमार्ग अवरुद्ध बनेसँगै बझाङ, बैतडी र दार्चुलाका गाडीहरु बीचबाटोमा अलपत्र परेका छन्।
राजमार्ग खुलाउनका लागि सडक डिभिजन कार्यालयसंग समन्वय भएको पाटन-८ का वडाध्यक्ष हरिश बिष्टले बताए। सडक डिभिजन कार्यालयका प्रमुखसँग कुराकानी भएको र सडक खुलाउन जेसिबी मगाएको उनले बताए।
प्रतिक्रिया दिनुहोस !
