रसुवा : रसुवामा कोरोना संक्रमित बढेका छन्। केही समयअघिसम्म जिल्लामा कोरोना दर शून्यमा झरेकोमा अहिले पुनः बढ्न थालेको हो। जिल्लामा सोमबार एक जना सक्रिय संक्रमित थपिएका छन्। योसँगै जिल्लामा सक्रिय कोरोना संक्रमितको संख्या १७ पुगेको छ। सबै संक्रमित होम आइसोलेसनमा बसिरहेका छन्।
जिल्लामा हालसम्म १ हजार ६८४ जनामा कोरोना संक्रमण भएकोमा १ हजार ६६५ कोरोना संक्रमित निको भएका छन्। दुई जनाको मृत्यु भएको छ। स्वास्थ्य कार्यालय रसुवाले कोभिड-१९ संक्रमण हुनबाट बच्नका लागि स्वास्थ्य सुरक्षाका मापदण्डहरु अपनाउन आग्रह गरेको छ।
प्रतिक्रिया दिनुहोस !
