ढल्केवर(धनुषा) : जनकपुरधामबाट प्रतिबन्धित लागूऔषधसहित एक युवक पक्राउ परेका छन्। पक्राउ पर्नेमा जनकपुरधाम उपमहानगरपालिका-१ बस्ने २४ वर्षीय प्रकाश साह रहेको धनुषा प्रहरीले जनाएको छ।
जनकपुरधाम उपमहानगरपालिका वडा नम्बर-१ स्थित रघुपति पार्टी प्यालेसको निर्माणाधीन अवस्थामा रहेको भान्सा कोठानजिकै लागूऔषध खरिद बिक्री भइरहेको भन्ने विशेष सूचनाका आधारमा जिल्ला प्रहरी कार्यालय धनुषाबाट खटिएको विशेष अनुसन्धान टोलीले साहलाई पक्राउ गरेको धनुषाका प्रहरी प्रवक्ता एवं डिएसपी प्रदिपबहादुर क्षेत्रीले जानकारी दिए।
उनका अनुसार साहको शरीर खानतलासी गर्दा उनको जिन्स पाइन्टको बायाँ साइडको अगाडिको खल्तीबाट कालो प्लास्टिकको झोलामा बेरेर लुकाईछिपाई राखेको अवस्थामा प्रतिबन्धित लागुऔषध नाइट्राभेट-१० लेखिएको ३०० ट्याब्लेट र दुईथान मोबाइल बरामद भएको हो।
बरामद भएको लागूऔषध र मोबाइलसहित साहलाई नियन्त्रणमा लिई लागुऔषध मुद्दामा म्याद लिई थप अनुसन्धान भइरहेको जिल्ला प्रहरी कार्यालय धनुषाले जनाएको छ।
प्रतिबन्धित लागूऔषधसहि पक्राउ परेका प्रकाश साह
प्रतिक्रिया दिनुहोस !
