रुकुम पूर्व : रुकुम पूर्वमा भएको बस दुर्घटनामा मृत्यु हुने पाँचै जनाको सनाखत भएको छ।
दुर्घटनामा परी मृत्यु हुनेहरूमा रुकुम पूर्व भूमे गाउँपालिका-५ का २३ वर्षीय बुद्धिमान बुढा, पुथा उत्तरगङ्गा गाउँपालिका-८ का ३५ वर्षीय पूर्णबहादुर बुढा, रामेछापका बस चालक लीलाभक्त श्रेष्ठ, रुकुम पूर्वकै सिस्ने गाउँपालिका-६ की ४० वर्षीया लक्ष्मी खड्का र उनका दुई वर्षका छोरा सिजन रहेको जिल्ला प्रहरी कार्यालय रुकुम पूर्वले जनाएको छ।
दुर्घटनामा परी घाइते भएका १२ मध्ये ४ जनालाई उपचारका लागि कोहलपुर पठाइएको छ भने बाँकीको जिल्ला अस्पताल रुकुम पूर्वमा उपचार भइरहेको प्रहरी नायब उपरीक्षक (डिएसपी) प्रकाश डाँगीले बताए।
काठमाडौंबाट रुकुमकोट आउँदै गरेको धौलागिरी यातायात प्रालिको ग १ ख ९१०९ नम्बरको बस दुर्घटना भएको हो।
मध्यपहाडी लोकमार्ग हुँदै आएको बस रुकुम पूर्वको भूमे गाउँपालिका-३ क्याङ्सी बगर नजिक बिहीबार दुर्घटना भएको प्रहरीले जनाएको छ।
प्रतिक्रिया दिनुहोस !
