जाजरकोट : नलगाड नगरपालिकाकाले अति विपन्न परिवारलाई खाद्यान्न वितरण गरेको छ।
आर्थिक अवस्था अत्यन्तै कमजोर रहेका बादी र अन्य विपन्न समुदायका लागि दसैंलाई मध्यनजर गर्दै खाद्यान्न वितरण गरिएको हो।
नलगाडका विपन्न बादी र अन्य ५० परिवारलाई एक बोरा चामल, एक लिटर तेल र दुई केजी दाल वितरण गरिएको नगर उपप्रमुख सरिता सिंहले जानकारी दिइन्।
आर्थिक अभावका कारण घरमा चुल्हो बल्न धौ-धौ परेका ती विपन्न परिवारलाई थोरै भएपनि चाडवाड मनाउन सहज होस् भनेर खाद्यान्न सहयोग गरिएको नगर उपप्रमुख सिंहले बताइन।
प्रतिक्रिया दिनुहोस !
