बारामा मोटरसाइकल र बस ठोक्किदा आमाको मृत्यु, छोरा घाइते
कात्तिक ११, २०७९ शुक्रबार १६:२१:०
सिमरा : बाराको पथलैयामा मोटरसाइकल र बस ठोक्किदा एकजनाको मृत्यु भएको छ । अर्का एकजना घाइते भएका छन् ।
जीतपुरसिमरा उपमहानगरपालिका-१ स्थित पथलैया चोकमा दुर्घटना हुँदा हेटौंडा उपमहानगरपालिका-१६ हटियाकी ४५ वर्षीया होमाकुमारी मगरको मृत्यु भएको हो । दुर्घटनामा उनका २० वर्षीया छोरा पुजल थापा मगर घाइते भएका छन् ।
पूर्वबाट हेटौंडातर्फ जादै गरेको बा.प्र ०३(०४ प ८९७८ नम्बरको मोटरसाइकल सोही दिशाबाट गइरहेको ना ५ख ५८०५ नम्बरको बससँग ठोक्किदा दुर्घटना भएको हो ।
दुर्घटनामा परि गम्भीर घाइते होमाकुमारीको उपचारका लागि अस्पताल लैजाने क्रममा बाटोमा मृत्यु भएको हो । मोटरसाइकल चालक पुजलको सिमरास्थित अल्पाइन अस्पतालमा उपचार भइरहेको छ ।
प्रहरीले बस र चालकलाई नियन्त्रणमा लिएको छ ।
प्रतिक्रिया दिनुहोस !
