बैतडीमा ११३ वर्षीया वृद्धाले गरिन् मतदान, भन्छिन्- चुनिने नेताले गरिबका दु:ख बुझून
मंसिर ४, २०७९ आइतबार १०:८:०
बैतडी : बैतडीको पाटन नगरपालिका- ४ की ११३ वर्षीया मानमतिदेवी भट्टले मतदान गरेकी छन् । आइतबार प्रदेश तथा प्रतिनिधिसभा सदस्यको निर्वाचमा उनले मत खसालेकी हुन् ।
पाटन ४ कै उदयदेव आधारभूत विद्यालयमा रहेको मतदान केन्द्रबाट उनले मत खसालेकी हुन् । अब आउने नयाँ चुनिने प्रतिनिधि र नयाँ बन्ने सरकारले समाज विकासको योजनालाई प्राथमिकतामा राख्नुपर्ने उनले सुनाइन् ।
'मैले देशको अवस्था र व्यवस्थाका लागि भएका घटनाक्रम नजिकेबाट देखेकी छु, अब देशमा स्थायित्व होस्, गरिबका दिन पनि आउन भन्ने चाहेकी छु,'उनले भनिन् । जनताको दुःख बुझ्न सक्ने नेतृत्व चुनियोस् भन्ने चाहेको उनले दोर्याइन्।
प्रतिक्रिया दिनुहोस !
