यो निर्वाचन आम मतदाता र देशको भविष्य जोडिएको छः राजेन्द्र लिङदेन्
मंसिर ४, २०७९ आइतबार १२:३:०
झापाः राप्रपा अध्यक्ष राजेन्द्र लिङदेनले मतदान गरेका छन् ।
नेकपा एमालेसँग चुनावी तालमेल गरेर झापा क्षेत्र नम्बर ३ बाट प्रतिनिधि सभा सदस्य उम्मेदवार बनेका लिङदेनले हल्दिबारी गाउँपालिका १ नम्बर वडा कार्यालय गोलधाप मतदान केन्द्र (ख) बाट मतदान गरेका हुन् । उनले बिहान ११ :३५ मिनेटमा मतदान गरे ।
मतदानपछि पत्रकारसँग गरेको संक्षिप्त कुराकानीमा उनले भने, ‘मतदाता उत्साहित छन् । यो निर्वाचन एउटा व्यक्ति चुन्ने र पार्टी चुन्ने मतदान होइन । यो मतदान आम मतदाता र देशको भविष्यसँग जोडिएको छ । '
नेपाली कांग्रेसका नेता कृष्णप्रसाद सिटौला उनका प्रतिस्पर्धीका रुपमा रहेका छन्। दुवै उम्मेदवारबीच कडा प्रतिस्पर्धा देखिएको छ।
प्रतिक्रिया दिनुहोस !
