जोमसोम: हिमाली जिल्ला मुस्ताङमा ५८ प्रतिशत मतदान सम्पन्न भएको छ ।
जिल्ला मुख्य निर्वाचन अधिकृत ईश्वर पराजुलीका अनुसार मुस्ताङका ३९ मतदान केन्द्रमा दिउँसो २ बजेसम्म ६ हजार ४३७ जनाले मतदान गरेका हुन् ।
यसअघि दिउँसो १ बजेसम्म ५१ प्रतिशत मतदान भएकोमा त्यसपछिको १ घण्टामा ७ प्रतिशतले थप मतदान गरेको जनाईएको छ ।
प्रतिनिधि र प्रदेशसभा निर्वाचनका लागि मतदान गर्न जिल्लाका ३९ वटै मतदान केन्द्रमा मतदाताको उत्साहजनक उपस्थिति थियो । औसतमा ५८ प्रतिशत मतदानले गरेपनि कतिपय मतदान केन्द्रमा ८० प्रतिशतसम्म मतदान भएको छ ।
यस्तै, एक अस्थायी मतदान केन्द्र रहेको जिल्ला कारागार मुस्ताङमा मतदाता सुचिमा नाम समावेश भएका ५ कैदी बन्दी मध्ये २ जनाले मात्र मतदान गरेको मतदान अधिकृत रामचन्द्र ढकालले जानकारी दिए । उनले ३ कैदी बन्दीबन्दीले मतदान गर्न नचाहेको मतदान अधिकृत ढकालको भनाइ छ ।
मुस्ताङ कारागारको अस्थायी मतदान केन्द्रमा मतदाता सुचिमा नाम भएका २१६ जना मतदाता मध्ये अहिलेसम्म ८९ जनाले मतदान गरेका छन् ।
मुस्ताङको ५ स्थानीय तहमा कुल १०९५७ मतदाता छन् ।
प्रतिक्रिया दिनुहोस !
