काठमाडौं : सिभिल बैंकले बाह्रौं वार्षिकोत्सवमा नेपालगञ्ज र जानकीमा गो क्यासलेस अभियान सुरु गरेको छ।
मंसिर १० गते वार्षिकोत्सवमा नेपालगञ्ज र जानकीमा छुट्टा छुट्टै कार्यक्रमहरूको आयोजना गरेर अभियान सुरु गरेको हो।
जानकीमा आयोजित गो क्यासलेस अभियानको उद्घाटन कार्यक्रम उक्त कार्यक्रममा जानकी गाउँपालिकाका उपाध्यक्ष लालमति देवी कठरीयाको प्रमुख आतिथ्यता सम्पन्न गरिएको थियो।
उक्त कार्यक्रममा जानकी गाउँपालिका वडा नम्बर १ का अध्यक्ष सुरेस कुमार चौधरी, फोन पेका प्रमुख कार्यकारी अधिकृत दिवस सापकोटा, अस्थायी प्रहरी पोष्टका प्रमुख प्रहरी सहायक निरिक्षक सुरत बहादुर बोहराको उपस्थिति रहेको थियो।
त्यस्तै, दुर्गौली बजार व्यवस्थापन समितिको अध्यक्ष अमर बहादुर बिष्ट, स्थानिय बुध्दिजिवि मोहन उपाध्याय, टिकापुर रिक्सा व्यवसायी मुल समितिका अध्यक्ष लोक बहादुर बुढा क्षेत्री, जानकी अटो सेवाको अध्यक्ष तथा अटो चालक मोहन खत्री, ई रिक्सा अटो यातायात व्यवसायी संघका अध्यक्ष रामेश्वर प्रसाद महतो, विभिन्न टेम्पू व्यवसायीहरूको उपस्थितीमा सम्पन्न भएको थियो।
उक्त कार्यक्रममा बोल्दै प्रमुख अतिथि जानकी गाउँपालिकाका उपाध्यक्ष लालमति देवि कठरीयाले सुदूरपश्चिम को विकासोन्मुख गाउँपालिका जानकी गाउँपालिकालाई यस अभियानको लागि छनौट गर्नुभएकोमा सिभिल बैंकलाई धन्यवाद दिए।
त्यसैगरी नेपालगन्जमा आयोजित गो क्यसलेस अभियानको उद्घाटन कार्यक्रमका प्रमुख अतिथि नेपालगंज उपमहानगरपालिकाको उपमेयर कमोरद्दिन राईको प्रमुख आतिथ्यता सम्पन्न गरिएको थियो।
उक्त कार्यक्रममा नेपाल राष्ट्र बैंक, नेपालगंजका उपनिर्देशक छवी लाल घिमिरे, नेपालगंज उपमहानगरपालिका वडा नं ९ का वडा अध्यक्ष गोविन्द प्रसाद रेग्मी, जिल्ला ट्राफिक प्रहरी कार्यालय, बॉकेका प्रमुख प्रहरी निरीक्षक हिमालय शाह, नेपाल पत्रकार महासंघका अध्यक्ष दामोदर भण्डारी, टेम्पू व्यवसायीहरू र मीडियाकर्मीहरू उत्साहका साथ सहभागी थिए।
डिजीटल पेमेन्ट सिस्टमले गर्दा अब ग्राहकहरूले सुबिधा सँगै सुरक्षा प्रदान गरेको नेपालगंज उपमहानगरपालिकाको उपमेयर कमोरद्दिन राईले बताए।
जतिको बिल आयो त्यति रकम मात्रै डिजीटलको माध्यमबाट भुक्तानी गर्दा आफूले गरेका खर्चहरूको विवरणहरूको समीक्षा गरेर फजुल खर्चहरूलाई घटाई अनावस्यक फजुल खर्चमा कमी ल्याई बचतमा वृद्धि गर्न सकिने र यस्तै साना साना बचतले भविष्यमा पुँजी निर्माण गरी आफू तथा सिंगो राष्ट्रलाई समेत समृद्ध बनाउन सकिने कुरा सिभिल बैंकका चिफ बिजिनेस भोला बहादुर विष्टले बताए।
सिभिल बैंकले २०१९ अगस्टदेखि नै सुरु गरेको नगद रहित अभियान अहिले देशको दुर्गम भन्दा दुर्गम स्थान देखि देशका प्रमुख सहरहरूमा सम्म गरी चालीस हजार भन्दा बढी क्यू आर मर्चेन्टहरूलाई आवद्ध गरी सकेको कुरा पनि वैंकले जनाएको छ।
प्रतिक्रिया दिनुहोस !
